28.10.2022 күні биофизика курсының оқытушылары Абдрасилова В.О., Байдуллаева Г.Е., Усабаева Г.А. және ЖМ22-018к, ЖМ22-021к топ студенттердің ұйымдастыруымен «Қазақ халқының ұлы тұлғалары С.Ж. Асфендияров» тақырыбында Жалпы медицина-1 мектебінің қатысуымен бірге іс-шара өткізілді.
Студенттер С.Ж. Асфендияровтың өмірбаяны мен еңбектері туралы презентация және сол қысқа өмір жолында оның жасаған ұлы істері туралы видео көрсетті, қабырға газетін шығарып, оны көпшілікке баяндап берді. Студенттер өз өнерлерін алға тартты, домбырамен күй тартылды, өлеңдер оқылды және ән айтылды.
Іс-шараға келген қонақтарды қызықтыру үшін викториналық сұрақтар және қызықты тапсырмалар құрастырылған, жауабын тапқан қатысушыларға арнайы марапаттар жасалды.
Іс-шара соңында, осы шараны ұйымдастырып, жоғары деңгейде қызықты етіп өткізгені үшін және пайдасы зор ақпарат бергендері үшін ЖММ-1 деканаты атынан бас маман Аңсағанова Жансая Аңсағановна студенттерге тілегін айтып, рахметін білдіріп, сөз сөйледі.