Сапардың негізгі мақсаты – студенттерді Қазақстан аумағындағы жануарлар әлемінің тарихи дамуын көрсететін қызықты экспонаттармен және археологиялық олжалармен таныстыру болды.

Экскурсия барысында ерекше назар археологиялық олжаларға аударылды. Атап айтқанда, юра кезеңіне жататын динозавр қаңқалары мен түрлі қазба қалдықтары студенттердің үлкен қызығушылығын тудырды.

Екінші зал зоология тақырыбына арналды және осы өңірге тән жануарлар дүниесінің алуан түрлілігін көрсетті. Зал екі бөлімнен тұрды, онда екі тұрақты коллекция ұсынылған: біріншісі – өткен дәуірлер тарихын, екіншісі – қазіргі заманғы жануарлар әлемін бейнелейді.

Экскурсия барысында екі зал да толықтай араланып, әсіресе алып мүйізтұмсық экспонаты студенттерге ерекше әсер қалдырды. Бұл жәдігер зерттеудің мүлде жаңа қырларын ашты. Сонымен қатар, юра дәуіріне жататын динозавр сүйектері, ежелгі жануарлардың қазба қалдықтары және алып жабайы қабандардың сүйектері де ұсынылды.

Осылайша, студенттер Қазақстан фаунасына қатысты бірегей археологиялық олжалармен танысып қана қоймай, тарих қойнауынан сыр шертетін аса құнды экспонаттарға куә болды. Сапар білім алушылардың ғылыми дүниетанымын кеңейтіп, олардың болашақ мамандығына деген қызығушылығын арттырды.