Ғылыми-зерттеу жұмысы кафедраның оқу-әдістемелік және ғылыми-зерттеу қызметінің ажырамас бөлігі болып табылады. Оқу жылы бойы ай сайын ішкі ағзалар ауруларын диагностикалау және емдеу мәселелеріне арналған ғылыми үйірме отырыстары өткізіледі.

Ғылыми жұмысқа қатысатын студенттер, интерн-дәрігерлер және резиденттер тақырыптық науқастарды іріктеп, оларды бақылап, ауру тарихтарын талдайды; ғылыми жұмысты орындау барысында заманауи медициналық әдебиеттерді зерделейді және талдайды.

Кафедра оқытушылары жыл сайын интерн-дәрігерлердің 2–3 ғылыми жұмысына жетекшілік етеді. Ғылыми үйірме мүшелері жыл сайын республикалық және халықаралық конференцияларға қатысып, түрлі байқауларға қатысады, көбіне жүлделі орындарға ие болады.

Ғылыми үйірменің міндеттері:

• Студенттер арасында ғылыми-зерттеу қызметін насихаттау және танымал ету
• Студенттердің дербес ғылыми ізденісіне көмек көрсету және ғылыми жұмысты ұйымдастыру
• Интерн-дәрігерлерді университетішілік, аймақтық, республикалық және халықаралық студенттік іс-шараларға қатыстыру, сондай-ақ университетте осындай іс-шараларды ұйымдастыруға және өткізуге тарту